ياحدود رجايــــا .. ياكل نيتى ياصميم الغايـا
يابعد عمرى يانوات امنايا .. يلي مكانك بعد باته ومه
يا دنيتي ياعلتى ودوايا .. ياشبح عينه يازهاتا وهمه
يا نبض ينبض فىحشا الخلايا .. من صبع رجلا لعند عينا وفمه
يا سيل يدفع بالحنان الفايا .. وربطت مشاعروسطها ملتـمه
يا كنزمن معادن قيمه للغايا .. الماس وسبايك في مصارف لمه
يا كون واسع ماوراه نهايا .. شموس وكواكب عدد مايسمه
ياجنات خضرة بالورود ملايا .. فردوس ونعيم ومن مناضرجمه
يا بو ضفايف دايرات ثنايا .. وين مايحلة يطيح يهلب كـمه
يابوجبين ابيض تقول ضوايا .. يا عين حرة في علاوي شـمة
يا حزام غرة منسلة جرايا .. جيابت ثنايا فاليالي الطــمة
يازول لمن فيه عشر صبايا .. ياحضن ودي يضمني ونضـمه
بس بالحلال برضيته ورضايا .. وحتى كان ربي قسمهم ماتـمه
اظل دكرته بين لجيال احكايا .. ولى عند يوم الحشر هما هـما
انقولولهن ياسر دموع كفايا .. يخطر علي نرسا اف شواطي يما
انقول اسكتي ياعين يابكايا .. وخرسة اتكلم في ودان الصـمة
ويبدن ينوحن في انواح ولايا .. على نجع فاني كملاتا الحمة
اية جمالك فوق راس القمة .. وسمك على بنت الرسول امسمة
يخطر عليهن ياســــا .. اسبار وتقاليد وعوايد ناسـا
وظيق السنين وعيشتة اف تعاسا .. وبعد المسافة ودمنا عن دمه
ماهوش جاري ساسنا حدا ساسا .. لاولد خاله لاولد خال امـه
ويبدن ينوحن دايرات محاسا .. هدا قدرهن ناز اف سورة عمـا
هول وعذاب الموت ضاقن كاسا .. 7000 مرة ربنا اللهــما
عبدك دعاك وما يطول خلاصا .. لعند وين يقسمله غزير الجـمه
يلي جمالك فوق فوق القمه .. وسمك على بنت الرسول امسمه
الله الله يا عمي عـــلي .. آنت اف كوم والدنيا اف كوم
القول نبيه للقايد يجــــي .. ويفخر بيك قدام العمــوم
تكون المثل لجنـدي الوفـي .. اللي مضمون في وقت اللزوم
يخش ألسوق دخانه علـي .. يفك الدين من حوزت الــقوم
معاك الوطن ميزانه أغلــي .. وفيك الروح ما تسواش سوم
عشت الدهر بي طوله قوي .. على مبداك ما ساعة تقــوم
خدمت الوطن بي خاطر نقي .. ونية كيف هبات النســـوم
وراك القلب دقانه أعــــلي .. لا يرتاح لا يشبح النــوم
ودمع العين خرانه أرقـــي .. وخلقي ضاق ولتمن همــوم
وطيفك صار فالرية بـــدي .. فالوجدان رسمنه أرســـوم
منين هدين يا عمي علـــي .. الزام عليك تدفعهن أرســوم
هكي ليام ماو دايم غنـــــي .. ولا الفقير راعنه اف يـوم
ولا الصغير عن يومه أخطي .. ولا الكبير عن أجله يــــدوم
منين البطل يقعد دوم حـي .. اف وسط الجوف كلماته تعـوم
كيف الصقر عالي فالسمـى .. ينير الدرب في عوض النجــوم
رجايا فيك يا ربي العلــــي .. تحيد غشاش وتسحي غيــوم
تجيب الصبر اب جاه النبـي .. و فالفردوس تجعله قـــــدوم
المصدر ....ديوان ليبيا جيل
